Ginpahanugutan sang Third Division sang Sandiganbayan si anay House Speaker Ferdinand Martin Romualdez nga magtambong sa iya arraignment kag pre-trial proceedings pinaagi lamang sa videoconference.
Ginkumpirma ini ni Third Division Clerk of Court Atty. Dennis Pulma kasunod sang urgent motion ni Romualdez.
Ginschedule ang iya arraignment 8:30 bwas sa aga, Septyembre 16.
Si Romualdez ang ginpasakaan sang plunder charges may kaangtanan sa ginapatihan nga P7.2 billion nga kickbacks gikan sa mga pondo nga para sa mga infrastructure projects.
Wala pa gihapon nadakpan ang iya co-accused nga sanday anay Ako Bicol party-list Representative Zaldy Co, Samchan Foreign Exchange Corporation president Felicito Guevarra, kag personal assistant sang former speaker nga si Joselyn Sereño.
Gindala si Romualdez sa Quezon City Jail sa Payatas kagab-i matapos siya anay gin-detain sa Cardinal Santos Medical Center kag gin-transfer sa Philippine General Hospital para sa independent medical examination.
Ginbutang anay ang anay Speaker sa hospital detention tubtob Lunes, antes ginpahibalo sang mga doktor sa Sandiganbayan nga stable na ang iya kondisyon kag indi na kinahanglan nga magpabilin sa ospital.#
