Gin-athag sang Local Economic Enterprise Office (LEEO) nga indi dala ang roll up sa ginpangtukod nga mga stalls sa Public Market sa syudad.
Sa interview sang Bombo Radyo kay Maricel Mabaquiao, Head sang (LEEO), iya ginpahayag nga wala na nadala sa budget sang City government kag mga contractor ang pagtakod sang roll-up sa mga stalls sa Lapaz Public Market.
Ini kaangot sa ginareklamo sang pila ka mga vendors sa Lapaz Public Market nga magamay nga espasyo nga ginhatag sa ila para sa ila nga mga baligya.
Ang iban nagapahayag man nga kun mag-extend pa ang iban nga vendors, posible nga maglapaw ini sa ginatalana nga area kag possible may ara sang multa ang magalapas.
Ginpaathag man ni Mabaquiao nga ang pag-assign sang stalls ginbase sa available nga espasyo sang merkado kag sa classification sang balaligyaan.
