ILOILO CITY- Ang Athlete’s foot isa ka infection nga makatol kag makahatag sang indi komportable nga pamatyagan.
Ang wala untat nga pagkatol sa tunga sang imo mga tudlo sa tiil kag pagmala sa kilid sang tiil ang pila lang sa mga symptoms nga naangot sa kondisyon.
Ang pinaka- common nga causes amo ang direct contact sa infected nga tawo ukon paghikap sa contaminated surface.
Ang fungus ang magatubo sa panit sang tiil kag sa masami, nagasugod sa tunga sang mga tudlo.
Panugyan sang Health Podiatrist nga si Ken P. Nguyen, kinahanglan nga mala pirmi ang tiil bangud ang fungus ang nanamian gid sa mainit kag basa nga palibot kaangay sang yara sa sulod sang basa nga sapatos.
Bulos-buluson ang sapatos adlaw-adlaw ukon dapat nga mala ini antes suksukon liwat.
Maggamit sang medyas nga human sa breathable material.
Maggamit sang sapatos nga naga-provide sang bastante nga ventilation kag wala naga- constrict sang tiil.
Hugasan adlaw-adlaw ang tiil kag maggamit sang habon kag tubig kag siguraduhon nga magmala ini antes ikaw magsuksok liwat sang medyas kag sapatos.
