Patay ang lima ka mga indibidwal matapos mag-crash ang isa ka gamay nga eroplano sang Mexican Navy sa Texas, malapit sa syudad sang Galveston.
Nahibaluan nga yara sa humanitarian mission ang eroplano, kag isa sa mga sakay sini ang duha ka tuig nga bata nga nagakinahanglan sang medical treatment sa United States.
Apang, ginbawian gid sang kabuhi ang amo nga bata.
Sa walo ka pasahero nga sakay sang eroplano, duha lang ang nakaluwas kag isa ang missing.
Ginmando man ni President Claudia Sheinbaum ang pag-imbestigar sang insidente kag nagasiling nga nagapakig-angot sila sa gobyerno sang Estados Unidos agud mahibaluan ang eksakto nga rason sang aksidente.
