Gin-anunsyo sang Argentine football superstar kag eight-time Ballon d’Or winner nga si Lionel Messi ang iya pagretiro sa international football.
Gintapos sini ang iya karera sa international stage matapos ang mabinungahon nga 207 appearances, 125 goals, isa ka World Cup championship, duha ka Copa América titles, kag isa ka Finalissima crown.
Suno sa 39-anyos nga football icon, magapadayon siya sa paghampang sa Inter Miami kun sa diin nakapirma siya sang kontrata sa bilog nga 2028 MLS season.
“It was a decision that hurt – and still hurts deep down – but I understand that the time has come. I swear to you that I always gave it my all – not just in these last few years when we won everything, but before that too; I always fought and left everything on the field for this jersey, to bring you joy and make you feel proud to be Argentine through football,” kabahin sang iya statement.
“Time is running short, chapters come to a close, and this is one that hurts me deeply. I love, have loved, and will always love being part of the national team. I’ve given everything I had; I have nothing left to give, and besides, there are some great young players coming up who deserve to be here.”
Matandaan nga apisar sang iya edad, ginpangunahan sini ang Argentina sa ikaduha nga sunod-sunod nga Finals appearance sa World Cup.
Nagkabos sila sa kampyonato subong nga tuig kag nagtapos bilang runner-up sa Espanya.
Suno pa kay Messi, ginsulat niya ang iya retirement statement sang Hulyo 21 nga duha ka adlaw lang matapos ang World Cup final.
Dugang niya, ang nagtulod sa iya sa pag-anunsyo na sa amo nga statement amo ang kamatayon sang iya amay nga si Jorge.
Si Jorge amo ang isa sa nangin pundasyon sang football career sang iya anak halin sang pagsugod sini sa Barcelona, tubtub sa iya pagrepresentar sang South American team, tubtub nga nangin global superstar.
Matandaan nga sang nagtaliwan si Jorge, nakahambal na nga daan si Messi nga may mga pagpangduha-duha na siya kun makahampang pa siya sang malawig. Didto man sa iya nauna nga statement sang ginsapubliko sini ang iya kabudlayan sang naghampang siya sa batok sa Spain sa finals. “My legs couldn’t go on any more,” pahayag sini. “This time I tried to push myself beyond my physical limits, but I couldn’t.”
