May Low Pressure Area (LPA) nga na-monitor sa gwa sang Philippine Area of Responsibility (PAR).
Apang manubo naman ang tyansa sini nga mangin Tropical Depression sa masunod nga 24 oras.
Ini ang nasiplatan sa kalayuon nga 260 kms West Northwest sang Pag-asa Island, Kalayaan, Palawan.
Samtang, ang Shear Line ang nagaapekto naman sa Central kag Southern Luzon.
Ang Shear Line ang isa ka linya ukon makitid nga lugar sa diin may gulpi nga pagbag-o sa direksyon sang hangin.
Bangud sa pagbunggu-anay ukon convergence sang hangin, nagaluntad ang masami nga pagpangilat ukon mga pag-ulan sa shear line.
Samtang ang Northeast Monsoon ukon hangin Amihan ang nagaapekto sa Northern Luzon.
