Ginpasiguro sang Land Transportation Office (LTO) ang legal nga implementasyon sang license revocation sa mga driver nga madakpan nga hubog samtang nagamaneho.
Suno kay LTO Chief Assistant Secretary Markus Lacanilao, wala dapat sang bisan isa ka driver nga magamaneho nga yara sa impluwensiya sang makahulubog nga ilimnun o droga.
Dugang pa niya nga kinahanglan nga mangin insakto ang pagdakop bangod sa ginasunod nga layi.
Maga-umpisa ang implementasyon sini sa Nobyembre 15 paagi sa Memorandum No. MVL-2026-242.
Una na ginpahayag sang LTO nga mangin strikto ang Law Enforcement Officers sa pagsunod sa mga guidelines.
Ginklaro man sang ahensya nga gamitan nila sang breath analyzer ang driver nga mag-fail sa Field Sobriety Test agud mahibaluan ang kadamuon sang nainom nga alkohol.
Ipasa sa Investigation Division (IID) ang recorded apprehension para sa masunod nga tikang batok sa driver.
