Isa sa importante nga senyales agud mahibaluan nga may bukol na sa baga sang bata amo ang kulani ukon lymph node nga mahikapan sa liog.
Sa interview sang Bombo Radyo kay Dr. Trixy Chu, pediatric oncologist, iya ginpahayag nga indi dapat maglapaw sa 2 centimeters ang kadakuon sang bukol bangud mahimo ini nga malignancy ukon cancer.
Tumalagsahon lamang ang lung malignancy sa mga kabataan apang kumon nga makita sa ila amo ang lymphoma nga isa sa anom nga ginkilala sang World Health Organization bilang “treatable cancers”.
Ang bukol nga makit-an sa bata ang indi na kumon bangud sa cancer biology, may yara ang tanan nga tawo sang cancer suppresor genes sa lawas nga amo ang nagapugong agud indi mag-form ang cancer.
Isa ka area nga delikado man kun may yara sang magtubo nga bukol sa baga suno kay Dr. Chu amo ang abaga sa diin kinahanglan na nga magdangop sa espesyalista agud nga evaluate kag ma-assess ang pasyente.
Pahayag niya, kun timprano pa gindala sa espesyalista ang bata, ginarefer ini gilayon sa surgeon agud nga makuha ang isa ka porsyon sang bukol kag gina-biopsy para mahatagan sang insakto nga bulong sa amo nga balatian.
Kun late na ginpa-check up ang pasyente, posible nga mabudlayan ini magginhawa bangud mahimo nga mag-ipit ang bukol sa mga major vessels.
Ang nasambit nga sitwasyon ang ginakabig medical emergency dugang sang doctor sa diin kinahanglan ma-operahan kag ma umpisahan ang chemotherapy agud nga masalbar ang kabuhi sang bata
