Ano bala ka laba ang imo pasensya kun ikaw ang nagahigugma?
Sa Bhopal, India, may isa ka bana nga nagaplano na magfile sang divorce sa iya asawa matapos sila magsaylo sang balay 18 ka beses sa sulod lamang sang tatlo ka-tuig.
Kag ang kontrabida nga nagaguba sang ila relasyon amo ang cockroach ukon tanga.
Ginapahayag nga nagasuprir sang ‘ katsaridaphobia’ ang asawa sang isa ka software engineer sa nasambit nga pungsod sa diin sa tion nga makakita ini sang tanga sa sulod sang ila balay, gilayon sila nga nagahalin na naman sang balay.
Sa subong, nagaplano ang mag-asawa nga magbulaganay bangud santo sa babaye, wala siya gina-intindi sang iya bana sa diin masami pa siya nga ginadala sa mga psychiatrist agud ipacheck up.
Pahayag naman sang bana, luyag gid niya nga mahangpan ang kondisyon sang iya asawa sa diin tuman ang kahangawa sini sa tion nga makakita sang sapat nga tanga.
Bangod sa ginpahayag pagka ‘fed up’ ukon ‘frustration’ nga nabatyagan sang bana sa wala untat nga pagsaylo nila sang balay bangud man sa kondisyon sang iya asawa, nagaplano na sila nga duha nga magbulagay nalang.
Samtang, santo sa FearOf.net, kaangay sang iban nga phobias, ang ‘katsaridaphobia’ ang isa ka sahi sang phobia nga nagamanifest sa pila ka pamaagi.
May mga tawo naman nga kun makabati lamang sang word nga ‘tanga’ ang nagaekperyensya na sang tuman nga kahangawa.
