”Wala sang forever”
Ini ang nangin sentyemento sang iban matapos nahibaluan ang istorya sang Ukrainian couple.
Sini nga tuig, gin-ulan nanday Alexander Kudlay, 33, kag Viktoria Pustovitova, 29 ang international news headlines sang nagdesisyon ang mga ini nga posasan ang ila mga kamot sa sulod sang tatlo ka bulan.
Katuyuan sang couple nga masalbar ang ila nagalas-ay nga relasyon kag masigurado nga wala sa ila ang may magpanunto.
Sa sulod sang tatlo ka bulan, updanay ang couple sa tanan nila nga hulag kag hilikuton bangud iping nga nakaposas ang isa nila ka mga kamot.
Sa 123 ka-adlaw nga nakaposas ang ila mga kamot, ginakabig na ini sang iban nga ‘impressive’ kag makahalam-ot sa diin madamo man ang nagapati nga dako ang posibilidad nga ‘road to forever’ na ang duha.
Apang baliskad ini sa realidad.
Matapos ang tatlo ka bulan nga nakaposas sanday Alexander kag Viktoria, gilayon nila nga gin-anunsyo ang ila nga break-up sa publiko.
Gin-ako sang couple nga ila nadiskubrehan ang tuman kalayo nila nga mga panan-awan sa madamo nga issues kag indi man magsanto ang ila nga personalidad.
Nangin bantog naman sa bug-os nga Ukrain ang couple sa diin madamo sang nakahambal nga ‘wala gid man sang forever’.
