Atensyon sa mga tawo nga may yara sang katarata.
Ang katarata sa glaucoma ukon golokoma ang mahimo maangkon kun balewalaon kag indi gilayon pagkonsulta sa doktor nga mangin rason pa sang pagkabulag.
Suno kay Dr. Nilo Vincent Florcruz II, isa ka opthalmologist, ang mata nga may katarata nga wala ginapakonsulta kag wala ginapa-operahan ang nagapabulag sa tawo.
Ang katarata amo ang pag-buron sang panan-awan sang tawo samtang ang glokoma naman amo ang pagkaguba sa optic nerve ukon ugat sang mata tuga sang pagtaas sang presyon sa sulod sang mata.
Ang optic nerve ang nagadala sang image nagikan sa mata pakadto sa utok sang tawo.
Mahimo nga mapataas sang katarata ang presyon sa mata nga amo ang nagatuga sang glucoma kag mahimo nga tunaan sang pagkabulag.
Dugang pa ni Florcruz, permanente ang pagkaguba sang panan-awan nga tuga sang glokoma banud sa optic nerve ukon ugat nga naapektuhan.
Panugyan sang eksperto, ilayon nga ipabulong ang katarata samtang timprano pa agud nga malikawan ang pagkabulag.
