Nagpasaka sang lawsuit sa federal court ang malapit 30 ka mga religious groups sa America batok sa Trump administration bangud sa tikang sang gobyerno nga nagahatag sang pehanugot sa mga immigration agents nga magpang-aresto bisan sa sulod sang mga simbahan.
Ang lawsuit nga gin-file sa U.S. District Court sa Washington, ang nagapanindugan nga ang bag-o nga policy ang nagapalapnag sang kahadlok sa mga tawo nga nagaresulta sa pagnubo sang mga sumilimba sa mga worship services kag sa iban nga mga programa sa simbahan.
Nagresulta ini, base sa nasaad sa suit, sa pagdingot sa religious freedom sang mga grupo.
Ang bag-o nga lawsuit nagapabaskog sang mga argumento nga ginhimo sa pareho man nga lawsuit nga gin-file sang Enero 27 sang lima ka ka mga congregations kag ang ulihi gin-updan sang Cooperative Baptist Fellowship kag Sikh temple.
Ini ang pending subong sa U.S. District Court sa Maryland.
Wala pa sang sabat ang Trump administration sa bag-o nga lawsuit, nga nagpangalan sa Department of Homeland Security kag ang immigration enforcement agencies bilang defendants.
