Pamilyar kaman bala sa nangin bantog nga ambahanon sa bilog nga Pilipinas nga ‘Manok na Pula’?
Apang sa India, indi manok nga pula ang bantog kundi itom.
Ini ang gina-ayam sang health-conscious meat eaters, bangud may mataas ini nga quality protein kag manubo nga fat content ipaanggid sa broiler chicken.
Kilala bilang Kali Masi, ang Kadaknath chickens ang naghalin sa Jhabua district sa Madhya Pradesh sa India.
Ini nga Indian chicken ang bantog indi lamang bangud sa kalidad sang unod sini kag mga itlog kundi bangud sa duag itom sini nga panit kag dark-colored meat.
Ang unod sang manok ang ginakabig bilang form of protein sa diin minilyon sa bilog nga kalibutan ang nagaconsume sini kada tuig.
Ini nga manok ang naturally-raised kag mabakal sa presyo nga ginabanta P800.
Ang pamangkot, makaon ka man bala kun daw kaangay nga batok ang imo ginluto nga manok bangud itom ang duag sang panit kag unod sini?
