METRO, MANILA – Nagapati ang National Economic Development Authority nga sa tuig 2022 pa mabalik ang ekonomiya sang Pilipinas.
Suno kay acting Socioeconomic Planning Secretary Karl Kendrick Chua, ang ekonomiya ang posible mabalik sa pre-pandemic trajectory sa tunga-tunga sang tuig 2022 sa tion nga dalayon na nga mapatuman ang mga interventions kag precautions.
Gina-ako sang tiglikom nga dako ang nangin epekto sa ekonomiya sa ginapatuman nga mga restrictions bangud sa pandemic.
“So all of these were all good starting points. Yes, there will be scars, there will be delays, but putting all the numbers together, we are seeing a return to 2019 levels sometime in the middle of 2022,” pahayag ni Chua.
Apang sa pihak sini, napatud-an nga “flexible” kag “responsive” ang ekonomiya sa pihak sang mga polisa nga ginpatuman santo sa public health standards.
Ginpahayag ni Chua nga antes ang pandemya, ang Pilipinas ang may mapag-on nga trajectory sang ekonomiya nga naga-average sang 6 percent humalin sang 2016 tubtub 2019 kag ginapanan-aw nga magtimbuok sa upper middle income economy santo sa World Bank standards.
“These are not very far from our present period but we can accelerate that if we focus on the recovery program,” dugang pa sang tiglikom.
Sa anom ka bulan nga pandemya, ang ekonomiya ang nagtibusok sa sulod sang tatlo ka quarters.
Ang ikaduha nga quarter sang tuig ang nakarecord sang 16.9% nga pagnubo sa ekonomiya kag ginasundan sang third quarter nga may pagtibusok nga nagdangat sa 11.5%.
Nahibaluan nga ang Pilipinas ang nagapatuman sang world’s longest lockdown sa diin may mga lugar nga napaidalom sa general community quarantine (GCQ) kag modified general community quarantine.
