Ginahandaan na sang kampo sang mga drug war victims sa kaso nga crimes against humanity batok kay former President Rodrigo Duterte sa International Criminal Court ang natalana nga status conference sa Mayo 27, 2026.
Sa interview sang Bombo Radyo kay Atty. Gilbert Andres nga amo ang common legal representative para sa mga biktima sang drug war, iya ginpahayag nga sa nasambit nga status hearing, ginalauman nga talakayon sang korte kag mga magtimbang nga bahin ang schedule sa trial, mga pending nga mosyon kag legal nga isyu, proseso sang pagplastar kag pag-usisa sang ebidensya, partisipasyon sang mga biktima sa kaso, kag iban pa nga aspeto.
Nahibaluan nga ang status conference ang isa ka procedural nga tikang agud hitsuhon ang dalagan sang kaso kag pat-uron ang talunsay nga trial management.
Ginalauman naman nga pagkatapos sang status hearing, posible nga magpagwa ang ICC sang mas maathag nga trial schedule, listahan sang mga tugutan nga ebidensya kag testigo, kag desisyon sa pila ka preliminary motions sang depensa kag prosekusyon.
