OTON ILOILO- Ginbawian sang kabuhi ang manugbaligya sang isda nga ginbuno sa Poblacion South Oton Iloilo samtang ginabulong sa hospital.
Nakaangkon sang pilas sa dughan nga gintunaan sang iya kamatayon si Gerald Esteral 27 anyos kag ginapahayag miyembro sang Tau Gamma Phi fraternity.
Suno kay Senior Master Sergeant John Batadlan hinubog ang ila ginasundan nga anggulo kag mahimo nga natripingan ang biktima.
Dugang pa ni Batadlan, nag-inom pa si Esteral sa isa ka resto bar kag samtang nagalakat pakadto sa convenience store, ginsundan ini sang suspek, ginhangkat sang inaway kag ginbuno.
Sa subong padayun pa nga ginapangita ang mga suspek nga nagbuno sa biktima.
