LEON,ILOILO – Patay ang isa ka manugbolante sang utan matapos madagdag sa ginasakyan nga de pampasahero nga Jeep sa Brgy. Buga Leon Iloilo.
Ang biktima amo si Reynaldo Camral, 46, sang Brgy. Bucari Leon Iloilo.
Sa interview sang Bombo Radyo kay Police Staff Sgt. Edzel Edlang, imbestigador sang Leon Municipal Police Station, iya ginpahayag nga naghalin sa Brgy. Bucari ang biktima kag mapadulong kuntani sa banwa agud magdul-ong sang iya mga utan.
Suno kay Edlang, posible nga natulugan ang biktima samtang nagasakay sa ibabaw sang jeep rason nga nahulog ini.
Gindala pa sa ospital ang biktima, apang gindeklara sang doktor nga dead on arrival.
