Nakit-an nga wala na sang kabuhi ang isa ka public school teacher sa sulod sang iya boarding house sa Brgy. Villasis, Santiago City, Isabela.
Ang biktima amo ang 31-anyos nga si alyas “Jhanmar”.
Nadiskubre ang bangkay sang biktima matapos nagbalik sa boarding house ang isa ka boarder agud magdul-ong sang mga bayo nga ginpalabhan sang biktima.
Suno sa imbestigasyon, madugay ang pagpanuktok sang isa ka boarder tubtob nga napilitan ini nga buksan na lang ang pwertahan kag nakit-an nga nagahigda sa salog ang biktima.
Wala naman sang nakit-an nga foul play ang otoridad apang padayon ang imbestigasyon sa kamatayon sang manunudlo.
