Nagtukod si President Ferdinand Marcos Jr. sang special committee agud ma-cater ang mga problema sang lesbian, gay, bisexual, transgender, queer, questioning, intersex, or asexual (LGBTQIA+) community kag mahatagan sila sang avenue nga magpakigbahin sa policy formulation sang gobyerno.
Biyernes, Disyembre 22, sang ginpirmahan sang presidente ang Executive Order No. 51 nga nagamandu sang pag-establisar sang “Special Committee on LGBTQIA+ Affairs” sa idalom sang Inter-Agency Committee on Diversity and Inclusion.
Sa amo nga EO, nakasaad nga may yara sang special panel nga amo ang ginmanduan nga pabaskugon pa ang mga tikang agud nga batuan ang padayon nga diskriminasyon nga ma-eksperyensyahan sang mga myembro sang amo nga komunidad.
Ginpahayag man sang presidente nga kinahanglan nga i-reconstitute ang inter-agency committee agud masigurado nga nagasunod ang pungsod sa International Covenant on Civil and Political Rights kag sa International Covenant on Economic, Social and Cultural Rights.
Ini nga treaties amo ang naga-mando sa mga states parties nga siguraduhon nga magamit sang mga pumuluyo ang ila nga kinamatarong nga wala sang anuman nga sahi sang diskriminasyon.
Ang bag-o nga panel sa LGBTQIA+ affairs ang pamunuan sang chairperson nga may rangko nga undersecretary halin sa “reputable organizations” nga naga-represent sang community. Ang presidente mismo ang magapili sa amo nga opisyal.
Gin-rename man ni Marcos ang Inter-Agency Committee on Diversity and Inclusion bilang “Diversity and Inclusion Committee” nga pamunuan sang Department of Social Welfare and Development (DSWD).
Ini nga committee nga natukod paagi sa ginpaguwa ni former President Rodrigo Duterte nga Executive Order No. 100 ang ginapamunuan anay sang Department of the Interior and Local Government kag ang DSWD naman ang vice-chair.# (Photo: Amnesty International Philippines)
