Magatakop ang tuig nga ‘going stronger’ ang relasyon sang celebrity couple nga sanday Marian Rivera kag Dingdong Dantes.
Kadungan sang ika-10 nga wedding anniversary, gin-renew sang mag-asawa ang ila vows sa simbahan sa Quezon City nga amo man ang lugar kun sa diin sila nagpakasal isa ka dekada na ang nagligad.
Ang ila duha ka kabataan nga sanday Zia kag Sixto ang kaupod man sa intimate ceremony sa Immaculate Conception Cathedral sa Cubao.
Kaangay sa ila kasal, naglakat man si Marian sa aisle samtang nakasuksok sang white dress kag may dala nga bouquet sang white flowers.
Una nga nagkit-anay ang duha sa remake sang Mexican series nga “Marimar” sang 2007 nga amo ang nangin highest-rated primetime show sa Philippine television. Ini man ang nangin pamuno sang pagbantog sang DongYan.
Na-engage sila sang pribado sang 2012, apang nag-propose liwat si Dingdong kay Marian sang Agosto 2014 kag nagpakasal na sang Disyembre 30 sang amo man nga tuig.
