Ginbawian sang kabuhi ang isa ka maritime student matapos nangin biktima sang hazing sa General Trias, Cavite.
Ang biktima amo si Kenneth Alcedo, 19-anyos, kag 1st year student sa kurso nga BS Maritime Transportation.
Nakit-an sa lawas sang biktima ang mga senyales nga ginpaidalom ini sa hazing bangod nga nag-itom ang iya bibig, nabingaw ang iya ngipon, kag nagadugo ang iya mga kuko.
Ginpahayag nga may nakit-an man nga katumbal sa pribado nga parte sang lawas sini.
Suno sa pamilya sang biktima, naglisensya ini nga malagaw siya kaupod ang iya mga classmates.
Apang wala ini nakapauli sa natalana nga oras tubtob nga ginpahibalo sa ila nga yara ini sa ospital.
Ginpahayag nga gindala ini sang tatlo ka mga lalaki sa balay-bululngan.
Base sa panaysayon sang mga lalaki, nabungguan sang salakyan ang biktima gani gindala nila ini sa ospital kag gilayon nga nagbiya.
Padayon pa nga ginapangita ang tatlo ka mga lalaki.
