Nakatalana nga maga-deploy sang masobra 100, 000 nga kapulisan ang Philippine National Police sa ginalauman nga pag-dagsa sang mga tawo sini nga holiday exodus.
Suno kay Acting PNP Chief PLtGen. Jose Melencio Nartatez Jr. nga ang tinutuyo sini nga mabantayan ang mga terminal, transport hubs kag iban pa nga lugar nga ginalauman nga kadtuan sang publiko.
Tinutuyo man sini nga mabantayan ang seguridad kag siguraduhon nga sa maayo nga sitwasyon ang mga magabyahe sa ila pagpauli sini nga tion sang paskwa.
Suno pa kay Nartatez ang ang ila deployment nakabase sa subong nga sitwasyon sang komunidad kag nagkalain-lain nga bahin nga lugar sang pungsod.
Ginpasiguro man ni Nartatez nga ang mga kapulisan nakabantay kag handa nga mag-responde indi lamang sa mga terminals kag mga kalsada kundi pati man sa mga business kag residential areas nga ibilin sang publiko sa tyempo nga ini.
Nagapanawagan naman ang National Police sa publiko nga makipag-coordinate agud nga mapabilin ang kaayuhan kag seguridad sa tyempo nga ini paagi sa pagpatuman sang safety measures.
