Narekord ang Philippine Coast Guard (PCG), sang ginabulubanta masobra 1,000 ka mga balay nga nagkalaguba sa Barangay Lamion, Bongao sa Tawi-Tawi matapos ang sunog nga natabo kagab-i, Pebrero 4.
Suno sa mga otoridad nga madasig nga naglapta ang kalayo bangud sa mabaskog nga hangin nga naka-apekto sa mga lapitanay nga mga balay.
Gilayon naman nga nag-responde ang mga katapo sang Coast Guard Station (CGS) Central Tawi-Tawi sa lugar kaga naghatag sang bulig.
Gindala man ang apektado nga mga pamilya sa istasyon sang Coast Guard sa Tawi-Tawi para sa ila temporaryo nga matiniran kag matulugan.
Wala naman sang na-report nga may nasamaran ukon napatay sa nasambit nga insidente.
