Liwat nga ginsuspende sang Kamara si Cavite 4th District Representative Kiko Barzaga matapos makakuha ini sang 238 nga boto pabor sa mosyon.
Ini bangud sa liwat-liwat nga nagalala sini nga misconduct samtang ini ang sa una nga suspension halin Disyembre 1, 2025 tubtob Enero 30, 2026.
Kabahin sa nagboto amo ang representante sang Bagong Henerasyon kag Kamanggagawa party-lists.
Dugang pa diri ang Committee on Ethics and Privileges ang naghatag man sang rekomendasyon nga suspendihon si Barzaga matapos nga wala ini nagtambong sa mga committee hearing nahanungod sa mga bag-o nga akusasyon batok sa iya.
Samtang, suno kay House Committee on Ethics and Privileges Chair JC Abalos nagakaaapekto sa reputasyon sang Kamara ang mga ginabuhat ni Barzaga.
Sa pareho man nga sesyon, nagpahayag man si 1st District Representative Janette Garin sang iya boto nga pabor sa suspension nga suno sa iya gindesisyunan sini nga mabug-at sa iya tagipusuon.
Suno pa sa kongresista nga pila na ka beses nga gintagaan sini sang dako nga pasensya nga buligan kuntani ang anak sang iya anay upod sa trabaho nga si Congressman Pidi Barzaga, apang tuman kabudlay ini paintindihon.
Ginkadlawan lamang ini ni Barzaga kag gintawag pa sini bilang isa ka dramatic ang pahayag ni Garin.
Apisar nga madamo sang pabor sa suspension ni Barzaga, pila naman ka mga mamalidha ang nagpahayag sang ila suporta sa suspended congressman.
Ginpunto man ni Barzaga nga dapat mas nakatuon ang Kongreso sa mga urgent concerns sang mga Pilipino kag indi sa iya.
