Ginbasol ni Akbayan Party-list Representative Percival “Perci” Cendaña ang nangin patakaran sang administrasyon ni anay Presidente Rodrigo Duterte sa padayon nga pagpang-ipit sang China sa Pilipinas.
Sa interview sang Bombo Radyo Iloilo, ginpahayag ni Cendaña nga naanad ang China sa panahon nga ang gobyerno sang Pilipinas ang nagasunod lamang sa kagustuhan sini, wala nagabato kag ginabaton na lamang ang mga pag-abusar sang China.
Suno sa mamalidha, kinahanglan nga ipakita sang subong nga administrasyon nga nagbag-o na ang panindugan sang pungsod kag indi na sini pagtugutan ang ginahimo sang dumuluong sa mga Pilipino.
Dugang ni Cendaña, indi dapat maghipos lang ang Pilipinas bangud sa kabalaka nga magbalos ang China, ilabi na sa mga insidente sa West Philippine Sea.
Suno sa iya, indi dapat mangin upang ang tuman ka abanse nga pwersa-militar sang China agud depensehan sang Pilipinas ang iya soberanya.
