Masobra sa 740,000 ka mga estudyante sa Western Visayas ang magabalik na sa mga pampubliko nga eskwelahan sa elementarya kag sekondarya sa rehiyon subong nga adlaw, Hunyo 8, para sa imbukada sang School Year 2026-2027.
Suno kay Mr. Hernani Escullar, Jr., spokesperson sang Department of Education (DepEd) Region 6, all systems go na ang DepEd Region VI nga ginabug-usan sang 2,841 public elementary and secondary schools.
Pahayag ni Escullar, bisan pa nga natapos na ang enrollment, batunon sa gihapon ang learners nga wala nakahingagaw nga magpa-enroll sa official enrollment period.
Ginklaro man nga sa enrollment kag sa ano man nga tion sa school year, may polisa ang DepEd nga wala sang koleksyon sang kuwarta.
Maga-transition naman subong ang mga eskwelahan sa three-term academic calendar.
Ini ang rason kun ngaa antes ang Hunyo 8, ginkumpleto man sang regional office ang serye sang mga orientation para sa mga manunudlo, school heads, kag division personnel agud masiguro nga matalunsay ang implementasyon sang revised school calendar.#
