Nakit-an ni Mayor Raisa Treñas ang kakulangan sang disaster response sang mga barangay officials sa syudad, ilabi na sa aspeto sang training kag komunikasyon sa tion nga mga bagyo kag pagbaha.
Sa interview sang Bombo Radyo kay Trenas, ginpahayag sini nga kinahanglan sang husto nga preparasyon ang 180 ka mga barangay agud mangin mas epektibo ang ila pagresponde sa mga emerhensya.
Suno sa alkalde, pila lang sa mga opisyales ang aktibo nga nagaresponde sa tunga sang kalamidad, rason nga ginplastar niya ang plano nga magpatigayon sang training sa disaster response sa barangay level kag paayuhon ang sistema sang komunikasyon sa mga kabarangayan.
Ginapanawagan man sang alkalde ang aktibo nga partisipasyon sang mga barangay officials halin sa barangay captain tubtob sa mga kagawad, agud masiguro nga preparado ang komunidad sa tion sang kalamidad.
