Ginbawian sang kabuhi ang isa ka empleyado sang Municipal Disaster Risk Reduction and Management Office (MDRRMO) sang Sariaya, Quezon matapos gintiro sang riding in tandem sa Barangay Lutucan 1 sa amo nga banwa.
Ang biktima amo si alyas “Pepe”, 37-anyos, residente sang amo man nga banwa.
Suno sa otoridad, padulong ang biktima sa munsipyo sakay sa iya kotse sang hinali lang nag-ulhot ang mga suspek kag ginpaulanan ini sang bala.
Gindala pa sa ospital ang biktima apang dead-on-arrival.
Padayon pa nga ginapangita ang mga suspek.
