Ginkondenar sang Mexico, Canada kag European Union ang desisyon ni U.S. President Donald Trump nga magpatuman sang taripa sa tanan nga steel kag aluminum imports sa masunod nga bulan nga isa ka tikang nga nga nagadabok pa gid sang ginakabalak-an nga trade war.
Ginpirmahan ni Trump ang proclamations sang Lunes nga nagpataas sang tariff rate sa aluminum sa 25% halin sa una nga 10% rate kag gindula ang exceptions kag quota deals kag ang ginatos ka libo nga mga product-specific nga tariff exclusions sa duha ka mga metals.
Ini nga tikang ang mangin epektibo sa Marso 12 kag maga- apply sa minilyon ka tonelada sang steel kag aluminum imports halin sa Canada, Brazil, Mexico, South Korea kag iban nga pungsod.
Suno kay Mexican Economy Minister Marcelo Ebrard, indi patas kag indi makatarungan ang ginhimo sang US.
Suno naman kay Canadian Prime Minister Justin Trudeau, “unacceptable” ang taripa.
Nag-upod man si European Commission President Ursula von der Leyen sa amo nga pagkondenar kag ginsiling nga ang 27-nation bloc ang magahimo sang “firm kag proportionate countermeasures.
Una na nagpanindugan si Trump nga wala siya sang labot kun ano man ang himuon nga balos sang iban nga pungsod sa iya bag-o nga polisa.
