Gintugutan sang Iran ang mga barko sang Malaysia nga makalabay sa Strait of Hormuz.
Ginsapubliko ini ni Malaysian Prime Minister Anwar Ibrahim kasunod sang iya pagpakig-istorya sa mga lider sang Iran, Egypt, Turkey kag iban pa nga regional countries.
Sa iya televised address, nagpasalamat si Anwar sa Iran.
“We are now in the process of releasing the Malaysian oil tankers and the workers involved so that they may continue their journey home,” suno sa opisyal.
Pahayag pa sini, ang iya dayalogo sa Tehran kag sa iban nga mga pungsod ang kabahin sang mga tikang agud nga ma-facilitate ang pagbalik sang kalinong sa Middle East.
Gin-ako sini nga mabudlay ini himuon ilabi na nga sa pamatyagan sang Iran, makapila ka beses na ini nga gintiplang gani nga wala ini halos nagabaton sang mga tikang nga ginatanyag para sa kalinong sang rehiyon.
“But it is not easy, as Iran feels it has been deceived repeatedly and finds it difficult to accept steps toward peace without a clear and binding security guarantee for their nation,” suno sa iya.
Nauna na nga ginpahayag sang Malaysian government nga padayon sila nga magahatag sang oil price subsidies, apang may ginahimo man ini agud nga mapahina ang epekto sang supply disruptions lakip na ang pagbuhin sa monthly allocations sang subsidized fuel.
“For us now, we are compelled to manage the situation because the effects of the blockade at the Strait of Hormuz, the war, and the halted supply of oil and gas all have an impact on us,” dugang sini.
Una na nga ginklaro sang Iran sa United Nations body nga International Maritime Organization (IMO) nga mahimo makaagi sa Strait of Hormuz ang indi peligroso ukon “non-hostile” nga mga barko.
Ang kondisyon sang Tehran amo nga makalabay ang barko basta wala dapat naga-partisipar ukon nagasuporta sa gyera kontra sa Iran, kag dapat man nga magsunod sa tanan nga safety and security regulations.
Makalabay man ang mga barko sa amo nga strait sa kondisyon nga may yara sang koordinasyon sa Iranian authorities.#
(AFP file photo)
