Handa na nga mag-compete ang mga estudyante nagikan sa College of Communication sang West Visayas State University (WVSU) sa patigayunon nga national competetion sa Radio Drama nga patigayunon diri sa syudad sang Iloilo.
Ang grupo ginabug-usan nanday Arcel Vinz Agudo, Adrian Dave Dario, Marian Gamala, Charisse Lemoncito, kag Roxanne Faye Obero, upod ang ila coach nga si Professor Raffy Galan.
Sa interview sang Bombo Radyo kay Professor Galan, iya ginpakigbahin nga madamo sang pagpanghangkat ang ila nga mga naagyan apang pursigido ang grupo nga mangin maayo ang resulta sang ila kompetesyon gani todo man sila sa pagbuhat sang mga dapat nga buhaton.
Sa karon ila na ginapreparahan ang national competition bangud sila ang magarepresentar sang Western Visayas sa Philippine Culture in Arts Festival and Conference PASUC nga pagahiwaton sa Abril 8-11, 2026.
Suno pa sa iya nga bangud man sa pagbinuligay sang grupo nangin mapag-on ang resulta sang ila tagsa ka performances nga ila ginapakigbahin sa mga tawo.
Dugang pa sini nga paagi sa kalidad nga pagpraktis kag madamo nga preparasyon handa na ang grupo nga itiglawas ang Western Visayas sa national competition.
