Sa lamharon naton nga edad, masami kita ginapamangkot sang aton ginikanan, kun ano ang aton nga handom kun kita magdako.
Ang iban, luyag nga mangin doktor, manunudlo, nurse ukon abogado.
Apang sa iban nga pungsod may yara man sang mga tawo nga humalin sang gamay, handom na ang mangin isa ka ‘yaya, suluguon ukon nanny’.
Sa sulod na sa sang 120 ka-tuig, nangin kilala sa England ang Norland College sa bilog nga kalibutan bangud sa ila masangkad nga nanny-training program sa diin kadam-an sa mga graduate ang naga-landing sa manggaranon nga pamilya kag may kita nga masobra $170,000 per year ukon kapin P8.6 million kada tuig.
Ini nga eskwelahan ang gintukod sang late 1800’s ni Emily Wizard nga amo ang nakarealisar nga wala sang opisyal nga childcare training sang amo nga tion.
Kalabanan sa mga kliyente sa Norland College amo ang manggaranon nga mga mag-asawa ukon couples kalakip na ang Royal families.
Ang pinasahi nga curriculum nga ginatudlo sa Norland ang rason kun ngaa makabig nga tuman ka expensive ukon mahal ang Norland-trained nannies ukon mga suluguon.
