Gin-cite in contempt sang Senate blue ribbon committee ang mga kontraktor nga una na nga gin-subpoena apang wala nagtambong sa hearing subong nga adlaw, Septyembre 1.
Nag-mosyon si Senator Ronald “Bato” dela Rosa kag ginsegundahan naman ni Senate President Pro Tempore Jinggoy Estrada. Gin-aprubahan naman ni panel chairperson Senator Rodante Marcoleta ang motion bilang preparasyon sa posible ipaguwa nga nga warrant of arrest.
Agusto 22 pa ginpadala ang subpoena sa mga head sang construction companies nga wala nagkadto sa initial public hearing.
Pila ka mga presidente kag tag-iya sang construction companies ang na-late sa hearing kag nag-abot lang sang naaprubahan na ang mosyon nga i-contempt sila.
Nagtakop nga hearing nga ang wala pisikal nga nakatambong amo si Hi-Tone Construction & Development Corp. president Edgar Acosta kag nagpadala lamang ini sang representative.
Nagkadto naman ang mga presidente, tag-iya, kag managers sang masunod nga construction companies:
Legacy Construction Corporation
Alpha and Omega Gen. Contractor & Development Corporation
St. Timothy Construction Corporation
QM Builders
EGB Construction Corporation
Topnotch Catalyst Builders Inc.
Centerways Construction and Development Inc.
Sunwest, Inc.
Triple 8 Construction & Supply, Inc.
Royal Crown Monarch Construction & Supplies Corp.
Wawao Builders
MG Samidan Construction
L.R. Tiqui Builders, Inc.
Road Edge Trading & Development Services
Nagtutok ang hearing sa ginaalegar nga mga anomaliya sa flood control projects sa pungsod.
Yara man nagtambong si former Department of Public Works and Highways (DPWH) secretary Manuel Bonoan, apang sang ulihi na-request ini nga indi na pagpatapuson bangud nag-resign naman siya sa posisyon.
