Kun ikaw ang ginbugayan sang talento sa pagkanta, pat-od nga nalipay ka gid nga i-share ini iban.
Amo ina abi ang maayo nga himuon kun ikaw may yara sang special talent halin sa Diyos — ang ipakigbahin ini sa iban nga mga tawo para nga sila ang ma-inspire, ma-happy, kag ma-share man nila ang ila gift kaangay abi sang pagsaot, pagpinta, pagsulat, kag madamo nga iban pa.
Sa Britanya, may yara sang 17 ka mga tawo nga nagabug-os sang isa ka choir nga amo ang ginhingadlan sang Guinness World Records bilang world’s oldest choir. Ginatawag sila nga Prime Timers.
Ang mga miyembro sini ang nagaedad sang 87 tubtub sa 99 years old, buot silingon, ang average age amo ang 94.
Sang tinalikdan nga bulan, may yara sila sang Christmas concert kun sa diin nalakip sa nagtambong amo ang Guinness World Records adjudicator.
Ini amo ang nagkumpirma nga ang amo nga performance sang grupo ang nagguba sang record sang performance sang nauna nga oldest choir.
Ini nga singers ang lunsay halin sa mga care homes didto sa Stratford-upon-Avon sa England.
Sang tion nga nag-perform sila sang Disyembre, kaupod nila ang English musician nga si Tony Christie nga nag-perform sang bantog nga “Amarillo” kag “Silent Night.”
