Madamo ang nagtaas ang kilay sa natabo nga pagpakasal sang duha ka menor de edad sa Marawi City.
Natigayon ang seremonya sang kasal sang Pebrero 14, 2026.
Apisar nga ginapakigbato sang pila sa mga Maranao nga kabahin ini sang tradisyon nga kilala bilang “Parental Marriage”, may mga sektor nga nagpabutyag sang kabalaka sa epekto sini sa kabataan.
Ginsiling sang mga child rights advocates nga apisar kabahin ini sang kultura, may maathag nga limitasyon ang tradisyon.
Gintumod sang grupo ang nasaad sa Republic Act No. 11596 kun sa diin ginadumilian ang pag-asawahay sang mga bata nga wala pa nakalab-ot sa 18-anyos bisan pa may pahanugot sang komunidad ukon sang ila mismo ginikanan.
