Ginbasura sang City Prosecutor of Makati ang mga panumbungon nga drug violation, obstruction of justice, perjury, kag reckless imprudence resulting in homicide nga ginpang-file anay batok sa mga abyan ni Christine Dacera.
Sa statement nga ginpaguwa sang city prosecutor, ginpahayag nga sandig sa January 31 resolution nga gin-release, DISMISSED ang complaints batok sa mga kaupod ni Dacera sang napatay ini sa New Year’s party sang 2021.
Wala sang ebidensya nga makapamatuod nga nag-administer sang iligal nga droga ang abyan nga si Mark Anthony Rosales kag wala man sang pamatuod nga maka-substantiate sa reckless imprudence resulting in homicide complaint nga gin-file naman batok kanday John Pascual Dela Serna, Jezreel Rapinan, Alain Chen, kag Louis De Lima.
Gin-dismiss man ang perjury charge nga gin-file kanday Galido, Dela Serna, kag Darwin Joseph D. Macalla.
Gin-hilway man sa obstruction of justice charge sanday Rosales, Galido, Dela Serna, Macalla, Rapinan, Gregorio Angelo Rafael De Guzma, Alain D. Chen, Reymar Englis, kag Atty. Neptali G. Maroto bangud ginpahayag nga gin-proteheran lang nila ang ila nga kinamatarong “within the bounds of the law”.
Ginbasura man ang “attempt to deliver illegal drugs complaint” nga gin-file kanday Rosales kag Galido bangud wala man sang nakit-an nga dangerous drugs kag wala man sang may napasa sa prosecutor.
Sa amo man nga resolution, ginpahayag nga gin-dimiss man ang counter complaints nga gin-file kay Sharon, ang iloy ni Dacera. ##
