Nagakahangawa ang mga Pilipino sa Israel bangud bisan diin na lang ang gina-target sang Iran bilang balos sa nauna nga pagpang-atake nga ginhimo sang pwersa sang Israel kag Estados Unidos sang Amerika.
Suno kay Bombo International Correspondent Allan Magullado, tumandok sang Maasin kag subong naga-trabaho sa Jerusalem, antes siya mag-report sa Bombo Radyo, nabatian pa sini ang padayon nga pagsinigabong kag pag-uwang sa ila palibot.
Pahayag sini, ini ang una nga bes nga na-eksperyensyahan niya nga naglab-ot na sa Jerusalem ang gina-target sang Iranian missiles.
Tag-damo man nga missiles ang ginapadala sang Iran suno kay Magullado agud indi ma-intercept sang iron dome sang Israel.
Magluwas diri, may mga napatay naman ang ballistic missile nga siyam ka mga tawo, kag pila sa casualties ang yara pa mismo sa bomb shelter.
May mga missing man kag napilasan lakip na ang kabataan sa Beit Shemesh.
Tubtub naman sa walo ka mga puluy-an kag bomb shelters ang naguba sa pagpang-atake, kag sandig sa awtoridad sang Jerusalem, halos katunga sang mga napatay ang yara mismo sa shelter apang nag-collapse ang atop rason nga nadalahig sila.
Apisar sang mga casualties sa bomb shelter, nagapadayon sa pagpanawagan ang Israel Defense Forces nga magkadto gid sa bomb shelter kag safe rooms agud makaluwas sa katalagman samtang mataas pa ang tension.
Napaidalom subong ang bilog nga Israel sa state of emergency.#
