Gin-aresto sang National Bureau of Investigation ang mga tag-iya sang Draco Builders bangud sa ginaalegar large-scale estafa.
Natabo ang pag-aresto sa NAIA Terminal 3 sang Agusto 6.
Suno kay NBI Director Jaime Santiago, ang mga nadakpan amo sanday Nicole Martinez Syjuco kag ang iya bana nga pareho nga subjects sang warrant nga gin-isyu sang Regional Trial Court (RTC) Branch 20 sa Davao Occidental sang July 2024.
Ang mag-asawa gin-akusahan sang pag-misappropriate sang pondo kag kapaslawan nga makompleto ang tatlo ka major construction projects sa Mindanao.
Ini sa pihak sang pagbaton nila sang 95 percent sang bayad nga may kabilugan nga P200 million.
Gin-alegar nga namalibad man sila nga mag-refund sang advance payment para sa proyekto nga wala maumpisahan.
Ang mga kaso natuon sa idalom sang Article 315 (1)(b) sang Revised Penal Code, nga nagasakop sang contractual deceit kag misappropriation.
Ang mag-asawa nga Syjuco ang gin-aresto sa ila pag-abot halin sa Hong Kong.
Gin-engganyo aman sang otoridad ang publiko nga magreport sang kaangay nga kaso sa NBI.
