Nagtipon subong nga Undas ang madamo nga mga tagasuporta sang pamilya Aquino agud mag-hatag sang bulak sa pantyon sang mga nagtaliwan nga mga lider sa pungsod nga nakahamtang sa Manila Memorial Park sa Sucat, Parañaque.
Magkaupod ang pantyon nanday anay Pres. Benigno “Noynoy” Aquino III, anay Pres. Corazon “Cory” Aquino, kag anay Senador Benigno “Ninoy” Aquino Jr., nga lunsay mga importante nga papel sa kasaysayan sang demokrasya sa Pilipinas.
Subong nga adlaw, Nobyembre 1, nasiplatan ang pagdugok sang mga tagasuporta nga nagdala sang nasari-sari nga bulak bilang pagselebrar kag pagdumdom sa mga Aquino.
Magluwas sa mga indibidwal nga offer, manotisyar man ang duha ka bugkos sang bulak nga naghalin kay Pres. Ferdinand Marcos Jr., bilang simbolo sang respeto sa mga anay lider.
Ang pamilya Aquino ang kilala sa ila kontribusyon sa pagpabalik sang demokrasya sa pungsod, halin sa sakripisyo ni Ninoy Aquino sang panahon sang diktadurya, tubtob sa liderato ni Cory Aquino bilang una nga babayi nga presidente sang Pilipinas, kag ang administrasyon ni Noynoy Aquino nga nagtutok sa kampanya batok korapsyon.
Sa pihak sang kasaysayan sang pulitika sa tunga sang mga Aquino kag Marcos, ang pag-offer sang bulak halin sa subong nga Presidente ang ginalantaw sang iban bilang tikang padulong sa pagrespeto sa nagliligad.
