Mga senators nga naglantaw sa Dinagyang, wala gin-boo, baliskad sa natabo sa Sinulog

𝗜𝗟𝗢𝗜𝗟𝗢 𝗖𝗜𝗧𝗬 – Mainit nga gin-abi-abi sang mga Ilonggo ang mga myembro sang oposisyon nga naglantaw sa Dinagyang Festival 2025.

Ini ang baliskad naman sa natabo sa Sinulog Festival sa Cebu sa diin gin-boo sanday Senator Risa Hontiveros, former Senator Bam Aquino, Akbayan Partylist 1st nominee nga si Chel Diokno kag former Senator Kiko Pangilinan.

Sang ginpakilala ni Iloilo City Mayor Jerry Treñas, sa baylo nga Boo, hilinugyaw kag pagdayaw ang nabaton sang mga ini.

Matandaan nga sang nagtambong ang mga ini sa Sinulog, nagsinggit ang mga yara sa crowd sang Duterte kag nag-boo.

Apang sa Dinagyang Festival, bisan sin-o nga mga bisita ang wala ginpakahuy-an kag mainit nga ginbaton.