DUBAI – Madamo na ang nadakpan bangud sa indi pagsunod sa physical distancing sa Dubai.
Suno kay Bombo International Correspondent Lester Sabijon, iya ginpahayag nga sa isa ka coffee shop sa Dubai, may lima ka customer nga gindakop bangud nga wala nagsunod sa social distancing.
Suno kay Sabijon, apisar nga wala ginapatuman ang curfew kag lockdown, ginadumili-an ang dine-in sa mga kalan-an kag ginapasirado ang negosyo kun madakpan nga wala nagasunod sa pagsulundan.
Ginpahayag ni Sabijon nga wala sang problema kun pagpanghatag sang bulig ang pagahambalan bangud nga madamo ang nagadonar sa Dubai.
Apisar sang kahangawa sa Coronavirus Disease 2019 (COVID-19, ginpahayag ni Sabijon nga may bukas sa gihapon nga mga negosyo apang ang iban nga mga empleyado ang temporaryo nga wala sang trabaho.
Sa ila balay suno sa natungdan, ginasunod nila sang iya tiayon nga nurse ang proper hygeine agud nga malimitahan ang risgo nga malatnan sang virus.
