Ginkasuhan sang isa ka asawa ang iya nga bana matapos nadiskubre nga kalbo ini kag wig lang ang iya buhok.
Suno sa tagreklamo nga si Lavika Gupta sang Noida, Uttar Pradesh, India, gin-into siya sang iya bana nga si Sanyam Jain kag pamilya sini bangud wala siya ginpahibalo nga kalbo ini antes ang ila kasal sang Enero 2024.
Pahayag ni Lavika, sang yara pa lang sila sadto sa “matchmaking stage”, ginpromisa sa iya ang isa ka lalaki nga manami ang buhok apang ulihi na niya nadiskubre nga kalbo ini.
Magluwas sa isyu sa buhok, nabuko man ni Gupta nga peke ang credentials sang bana tuhoy sa iya educational background.
Gin-alegar man sang asawa nga ginsakit siya sang iya bana kag ginpilit nga magpalusot sang marijuana halin sa Thailand pabalik sa India.
Sa subong, desidido ang asawa nga ipapreso ang bana samtang wala pa sang pamatbat nga gindagdag ang korte.
