Nagresulta sa makangilidlis nga krimen ang pagpakigbulag sang asawa sa iya bana sa Sitio Enverga, Barangay Liwayway, Mauban, Quezon.
Ini matapos nga gin-gulgulan sang bana sa liog ang iya asawa.
Ang biktima amo si Jovy, 44, samtang ang nakapalagyo nga suspek amo si Al, 47.
Base sa imbestigasyon, isa ka tuig na nga wala nagaupdanay ang mag-asawa matapos ginreklamo sang biktima ang suspek sa paglapas sa RA 9262 (Anti-Violence Against Women and their Children Act of 2004).
Sang nagdesisyon ang duha nga magkitaay sa ila balay agud opisyal sila nga magbulagay kag magtungaay sang propedad, didto na natabo ang krimen.
Nagbaisay ang duha tubtob nga gin-gulgulan sang liog ang biktima.
Madasig nga nalagyo ang suspek apang nagpabutyag man nga magasungka ini sa otoridad.
