Indi na naman madayon ang koronasyon sang Miss World Philippines sa Agusto 8 bangud sa pagpaidalom sa National Capital Region (NCR) sa Enhanced Community Quarantine (ECQ).
Wala pa sang detalye ang organisasyon sa mangin petsa sang koronasyon.
Ini na ang ika-duha ka beses nga ginpa-iway ang Miss World Philippines pageant nga natalana kuntani sang Hulyo 25 apang bangud ginpaidalom anay ang NCR sa heightened GCQ restrition, gin-isol ini sa Agusto 8.
Ang mangin hosts sa coronation night amo sanday Xian Lim, Winwyn Marquez kag Alyssa Muhlach.
Nahibaluan nga si Ann Palmares amo ang pambato sang Iloilo City sa diin nakuna sini ang atensyon sang netizens bangud sa iya batchoy inspired national costume.
