Nasapwan nga wala na sang kabuhi ang isa ka manugpangisda nga una nga na-missing sa Nacomon,Tigbauan. Iloilo.
Ini amo si Ronel Dilig,33, residente sang amo nga barangay.
Nakit-an ang bangkay sini sa higad sang baybay nga sakop sang Brgy. Ortiz, Iloilo City Proper.
Sa interview sang Bombo Radyo kay Gerardo Dilig, amay sang biktima, iya ginpahayag nga Hulyo 23 pa nadula ang iya anak.
Suno sa iya, nagpalawod sila nga duha agud mangisda kag samtang yara sa tunga sang lawod, nabali ang Tarik sang pumpboat.
Ginlumpatan ini sang biktima apang bangud sa mabaskog nga balod, nalampos ang iya ulo sa sakayan kag nalipong ini.
Wala na ini masalbar sang iya amay nga gilayon nagbalik sa ila lugar agud magpangayo sang bulig.
Nagpatigayon man sang search and rescue operation apang subong lang nakit-an ang biktima.
