Nagabulig sa pagpataas sang kita sang mga mangunguma kag mangingisda ang micro, small kag medium enterprises (MSMEs) suno kay Department of Agriculture Secretary Francisco P. Tiu Laurel Jr.
Ini bangud sa pagdugang sang presyo sa mga produkto nga Agrikultura paagi sa pagproseso sini, packaging, kag mas malapad nga access sa merkado.
Ginpahayag ni Laurel sa ginpatigayon nga National Food Fair sang Department of Trade and Industry nga masobra 320 ka Negosyo ang halin sa Luzon, Visayas kag Mindanao ang nagabag-o sang mga lokal nga produkto pareho sang bugas, isda, niyog kag cacao agud nga mangin mas mangin competitive ini.
Suno sa iya nga ginpadasig pa sang gobyerno sa idalom ni Ferdinand Marcos Jr. ang pagpa-uswag sang agrikultura sa pungsod halin sa subsistence farming paagi sa paghugpong sang mga mangunguma kag mangingisda sa MSMEs agud mapataas ang kita kag makahatag sang trabaho sa mga komunidad.
Gindugang man sini nga padayon nga ginatutukan sang gobyerno nga mapanubuan kag mapabilin nga makaya sa gihapon sang mga Pilipino ang presyo sang pagkaon.
