Nagpangabay si Senador Robin Padilla sa kaalyado sini nga si Senador Bato Dela Rosa, nga indi gid magsungka kun may yara gid man siya sang arrest warrant gikan sa International Criminal Court.
Ini bisan pa nga gilayon man ginklaro sang ICC nga wala sila sang ginpaguwa nga kaangay nga warrant.
Suno kay Padilla, makapila na ka beses nga naglanog ang amo nga impormasyon nga wala man sang kumpirmasyon.
Gin-ako sini nga liwat-liwat gid sya nga nagapahanumdom kay Dela Rosa nga indi gid magsungka kag magpakita sa publiko.
Si Dela Rosa ang makapila na ka beses nga ginlawag nga involved sa war on drugs sa idalom sang administrasyon ni Former President Rodrigo Roa Duterte nga yara subong sa detention center sang ICC.
Nagapati man si Padilla nga ang pagpa-surrender kay Bato sa ICC ang kaangay man nga pagtraidor sa baganihan nga si Andres Bonifacio.
Ginpakigbahin man niya nga nagakitaay sila ni Dela Rosa, apisar nga wala na ini nagasulod sa senado.
Nahibaluan nga wala na nakapakita si Dela Rosa sa Senado bangud sa mga huring-huring nga gindagdagan na ini sang arrest warrant sang Nobyembre 2025.
