Nagdangat na sa 81 ka mga tawo ang ginreport nga napatay kasunod sang pagsalakay sang Severe Tropical Storm Kristine (international name: Trami) sa Pilipinas.
Suno kay Office of Civil Defense (OCD) Administrator kag Undersecretary Ariel Nepomuceno, subject pa sa validation kag verification ang numero sang reported casualties.
Ginpahayag man sini nga ang datos nga ginhatag sang hepe sang OCD nagapakita nga ang reported deaths ang nagikan sa CALABARZON nga may 48, ginsundan sang Bicol Region (Region V) nga may 28 ka napatay.
Samtang sa Cordillera Autonomous Region, Ilocos Region (Region I), kag Zamboanga Peninsula Region (Region IX) may yara sang na-report nga duha kag isa ka napatay.
Gintumod man ni Nepomuceno nga 66 ka mga persona ang ginreport nga napilasan kag 34 ang ginreport nga missing.
Kalabanan sang gin-report nga napilasan ang halin sa Region V nga may 60, ginasundan sang Region VIII nga may lima ka pilason kag BARMM nga may isa ka tawo nga napilasan.
Sa pinakaulihi naman nga disaster monitoring dashboard, ang National Disaster Risk Reduction and Management Council (NDRRMC) nagreport nga may kabug-usan nga 547 ka mga lugar nga ginbahaan sa bug-os nga Rehiyon I, II, III, CALABARZON, MIMAROPA, V, VI, VIII , IX, XIII, CARAGA, BARMM, kag National Capital Region.
