Daku ang posibilidad nga sa Pasay City Jail Female Dormitory maligaran sang Christmas kag New Year ang actress-entrepreneur nga si Neri Naig.
Gin-anunsyo nga gin-reschedule sang korte ang arraignment sa iya kaso sa Enero 2025.
Suno sa legal counsel sang complainants, nag-isyu ang Pasay City Regional Trial Court sang order bilang sabat sang motion to quash the warrant of arrest nga gin-file sang kampo naman sang former actress. Lakip man sa gin-file sang mga abogado ni Neri amo ang withdrawal sang information, buksan liwat ang preliminary investigation, kag release custody.
Ginhatagan naman ang complainants sang lima ka adlaw agud magsabat sa motion
Nagapangatubang si Neri sang kaso nga ginaalegar paglapas sa Securities Regulation Code kag syndicated estafa nga non-bailable case.
Una na nga ginpaathag sang Securities and Exchange Commission (SEC) nga nagpanghaylo si Neri sa mga tawo nga mag-invest sa skin care company nga indi otorisado sa pag-solicit sang invesments halin sa publiko. Kun basehan naman ang pahayag sang kampo sang aktres, biktima man siya sa sini nga kaso.
Nagpahayag naman ang Bureau of Jail Management and Penology (BJMP) nga wala sang special treatment sa actress bangud ibutang man ini sa selda kun sa diin may 150 ka iban pa nga mga preso.
Una na nga nagdepensa ang bana ni Neri nga si Chito Miranda nga wala gid sang notice nga nahatag kay Neri nga ginkasuhan siya kag insigida lang siya nga gindakop samtang yara sa convention center sang nagligad nga semana.
