Nagsarurot sa panibag-o nga historic low ang balor sang Philippine Peso batok sa US dollar subong nga adlaw, Marso 13.
Nagtakop ang trading nga P59.735 ang local currency sa kada isa ka US dollar.
Sang Lunes, P59.50 ang peso sa kada dollar nga amo na ang pinakamaluya nga lebel antes ang trading subong nga Byernes.
Kun nagaluya ang balor sang peso, mas naga-kumplikado pa ang sitwasyon sa enerhiya sa Pilipinas bangud nagamahal ang imported goods lakip na ang langis bangud gina-purchase ang langis paagi sa dolyar.
Magluwas diri, bangud man sang pagluya sang peso, may impact man ini sa utang sang Pilipinas, ilabi na nga one-third sang amo nga utang ang naghalin sa foreign creditors ukon mga manugpautang halin sa luwas sang pungsod.
Una na nga ginsiling ni President Ferdinand Marcos Jr. nga indi sini luyag nga makalapaw ang peso sa 60 pesos sa kada isa ka dolyar, bangud kun magluya ang balor sang Peso, pat-od nga magatimbuok na naman ang balayran sa utang.
